শ্রী দশাবতার স্তোত্র

 শ্রী দশাবতার স্তোত্র

প্রলয পযোধি-জলে ধৃতবান্ অসি বেদম্
বিহিত বহিত্র-চরিত্রম্ অখেদম্
কেশব ধৃত-মীন-শরীর, জয জগদীশ হরে

ক্ষিতির্ ইহ বিপুলতরে তিষ্ঠতি তব পৃষ্ঠে
ধরণি- ধারণ-কিণ চক্র-গরিষ্ঠে
কেশব ধৃত-কূর্ম-শরীর জয জগদীশ হরে

বসতি দশন শিখরে ধরণী তব লগ্না
শশিনি কলংক কলেব নিমগ্না
কেশব ধৃত শূকর রূপ জয জগদীশ হরে

তব কর-কমল-বরে নখম্ অদ্ভুত শৃংগম্
দলিত-হিরণ্যকশিপু-তনু-ভৃংগম্
কেশব ধৃত-নরহরি রূপ জয জগদীশ হরে

ছলযসি বিক্রমণে বলিম্ অদ্ভুত-বামন
পদ-নখ-নীর-জনিত-জন-পাবন
কেশব ধৃত-বামন রূপ জয জগদীশ হরে

ক্ষত্রিয-রুধির-মযে জগদ্ -অপগত-পাপম্
স্নপযসি পযসি শমিত-ভব-তাপম্
কেশব ধৃত-ভৃগুপতি রূপ জয জগদীশ হরে

বিতরসি দিক্ষু রণে দিক্-পতি-কমনীযম্
দশ-মুখ-মৌলি-বলিম্ রমণীযম্
কেশব ধৃত-রাম-শরীর জয জগদীশ হরে

বহসি বপুশি বিসদে বসনম্ জলদাভম্
হল-হতি-ভীতি-মিলিত-যমুনাভম্
কেশব ধৃত-হলধর রূপ জয জগদীশ হরে

নংদসি যজ্ঞ- বিধের্ অহঃ শ্রুতি জাতম্
সদয-হৃদয-দর্শিত-পশু-ঘাতম্
কেশব ধৃত-বুদ্ধ-শরীর জয জগদীশ হরে

ম্লেচ্ছ-নিবহ-নিধনে কলযসি করবালম্
ধূমকেতুম্ ইব কিম্ অপি করালম্
কেশব ধৃত-কল্কি-শরীর জয জগদীশ হরে

শ্রী-জযদেব-কবের্ ইদম্ উদিতম্ উদারম্
শৃণু সুখ-দম্ শুভ-দম্ ভব-সারম্
কেশব ধৃত-দশ-বিধ-রূপ জয জগদীশ হরে

বেদান্ উদ্ধরতে জগংতি বহতে ভূ-গোলম্ উদ্বিভ্রতে
দৈত্যম্ দারযতে বলিম্ ছলযতে ক্ষত্র-ক্ষযম্ কুর্বতে
পৌলস্ত্যম্ জযতে হলম্ কলযতে কারুণ্যম্ আতন্বতে
ম্লেচ্ছান্ মূর্ছযতে দশাকৃতি-কৃতে কৃষ্ণায তুভ্যম্ নমঃ